Hampidjan - Reykjavík, Iceland

Vorið 1934, þegar kreppan mikla var í algleymingi, stofnaði þrettán manna hópur skipstjóra og vélstjóra nýtt framleiðslufyrirtæki í Reykjavík til að framleiða trollnet, tóg og fiskilínur fyrir íslenska fiskiskipaflotann því mikill skortur var á þessum efnum til veiðarfæragerðar milli stríða.

​Hampiðjan hefur síðan vaxið og dafnað og er nú eitt stærsta veiðarfærafyrirtæki heims. Starfsemin er nú í 15 löndum og teygir sig frá ysta odda Alaska í vestri til Nýja Sjálands í austri. Starfsstöðvarnar eru alls 42 í fimm heimsálfum og starfsmannafjöldinn rúmlega 1.200 manns.

Framleiðsla á netum og köðlum hefur ætið verið kjarnastarfsemi fyrirtækisins og kaðlaverksmiðjan Hampidjan Baltic er nú sú tæknilega fullkomnasta og  

Show more

best útbúna í heiminum.

Síðustu tvo áratugina höfum við aukið markaðsforskot okkar enn frekar með byltingarkenndum vörum og snjöllum lausnum fyrir fiskveiðar og olíuiðnað, einkum margvíslegum útfærslum á ofurtógum sem eru sterkari en stál.