Trip Apparat - Reykjavík, Iceland

TripApparat hentar allri ferðaþjónustu.
TripApparat er þriðji aðilinn sem sameinar alla ferðaþjónustuna á einum vettvangi, en ekki þjónustan sjálf. Atvinnubílstjórar um allt land og af öllum toga geta verið með, því TripApparat hentar allri ferðaþjónustu jafn vel og leigubílunum. Ferðamenn geta pantað allt frá leigubílum og bílaleigubílum, til lúxusvagna, hópferðabifreiða, og pakkaferða með leiðbeinendum. Þannig munu ferðamenn nota sama appið til að panta leigubílinn á hótelið og pakkaferðina til skoða Gullfoss og Geysi. Og ef einhverjum dettur skyndilega í hug að gaman væri að kíkja upp á Langjökul þá gefur TripApparat appið upp þá valkosti sem eru í boði, og hvað slík ferð myndi kosta. Ef viðkomandi er t.d spenntari fyrir  

Show more

sérsniðinni jeppaferð en hópferð, þá bendir appið honum á þá sem geta veitt þá þjónustu, og eru lausir þá stundina eða eru "næstir í röðinni."
Segja má að þetta gefi smærri sjálfstæðum aðilum einstakan möguleika til að ná stærri markaðshlutdeild.
Auðvelt í notkun
Bílstjórar þurfa einungis litla spjaldtölvu í bílnum hjá sér til þess að starfa með TripApparat. Kúnnin velur þá þjónustu sem hann óskar eftir, og kerfið sér um restina. Ef ferðamaður vill sem dæmi taka leigubíl frá flugvellinum og á hótelið sitt í miðbæ Reykjavíkur, þá sýnir appið honum kort sem staðsetur hann og hótelið, vegalengdina á milli, og áætlaðan kostnað. Hann slær kreditkorta upplýsingum sínum í kerfið við fyrstu notkun, en appið sér svo um að greiða alla þjónustu eftir það, hvort sem það eru leigubílar eða einhver önnur ferðaþjónusta. TripApparat auðveldar sérstaklega lífið fyrir ferðamenn sem stoppa stutt, t.d. þá sem koma með stóru ferðamannaskipunum. Þeir geta mjög auðveldlega áttað sig á vegalengdum og kostnaði, og pantað alla þjónustu áður en komið er í land, þannig að allt stoppið er skipulagt fyrirfram. Tripapparat er því einstaklega hentugt fyrir bæði ferðaþjónustuna og ferðamennina.
Fyrirtækjalausnir
Bæði innlend og erlend fyrirtæki geta skráð sig í kerfið og verið í reikning. Hver starfmaður nýtir sér einfaldlega þá þjónustu sem hann þarf og borgar með appinu, sem sendir svo viðkomandi fyrirtæki reikninginn. Fyrirtækið hefur svo aðgang að nákvæmu yfirliti yfir allar ferðir og greiðslur á einum stað. Þetta einfaldar bókhaldið hjá starfsmanninum og fyrirtækinu, og býður auk þess upp á ýmsa aðra hagræðingarmöguleika fyrir fyrirtækið.
Byltingin hefst í vor
TripApparat er tímamótakerfi sem mun bylta ferðamannaiðnaðinum á Íslandi. TripApparat er tilbúið fyrir Android, Iphone, og Windows Mobile. Kerfið er í prófun við íslenskar aðstæður .